AlbSport

BundesLiga

Rashica volli para ndeshjes ndaj Hoffenheimit, trajneri i Werderit: Ai e sakrifikoi veten për skuadrën

Milot Rashica ka kaluar nëpër një gjendje tejet të vështirë qysh para përballjes ndaj Hoffenheimit. Anësori shqiptar arriti që të asistonte në fitoren 1-0 të Werder Bremenit, mirëpo kishte pasur disa probleme shëndetësore para ndeshjes. Trajneri i skuadrës gjermane, Florian Kohfeldt, ka treguar se Milot Rashica kishte probleme para ndeshjes së të shtunës. Sipas trajnerit të Werder Bremenit, ylli i Përfaqësueses së Kosovës volli para ndeshjes, por e sakrifikoi veten për skuadrën. “Miloti volli në zhveshtore para ndeshjes, ai duhet të ketë hëngër diçka të keqe. Por, prapëseprapë luajti rreth 60 minuta dhe e vendosi veten në shërbim të skuadrës”, ka thënë Kohfeldt pas takimit. Në minutën e 61-të, lojtari shqiptar u zëvendësua nga Claudio Pizarro, i cili arriti paraqitjen e 300-të për klubin gjerman.

BundesLiga

Bayerni ndalet nga Leipzigu, Dortmundi i afrohet në vetëm dy pikë

Leipzig dhe Bayern Munich janë ndarë në paqe në kuadër të javës së 33-të në Bundesligë. Bavarezët janë ndalur nga rivalët e Bundesligas, pasi barazuan pa gola në stadiumin Red Bull Arena. Edhe pse Bayern Munichu e dominoi ndeshjen, ata nuk arritën ta mposhtin portierin e RL Leipzig, Peter Gulacsi. Bavarezët i kanë vështirësuar gjërat vetes për titull, pasi Borussia Dortmundi ka arritur ta mposhtë Dusseldorfin në anën tjetër me rezultat, 3-2. Pas xhiros së 33-të, Bayern Munichu vazhdon të jetë lider i Bundesligas, ku ka grumbulluar 75 pikë, dy më shumë se Dortmundi që gjendet në vendin e dytë, duke vazhduar kështu një garë të nxehtë për titull, ku ka mbetur vetëm edhe një xhiro.